28 майи соли 2021 дар Донишкадаи такмили ихтисоси Вазорати адлияи Ҷумҳурии Тоҷикистон мизи мудаввар дар мавзӯӣ “ Масоили ҳуқуқи оилавӣ дар Ҷумҳурии Тоҷикистон: мушкилот ва роҳҳои ҳалли он” баргузор намуд.
Дар мизи мудаввар намояндагони Суди олии ҶумҳурииТоҷикистон, Раёсати агентии муқовимат бо коррупсияи шаҳри Душанбе, Кумитаи кор бо занон ва оилаи назди Ҳукумати Ҷумҳурии Тоҷикистон, Кумитаи дин, танзими анъана ва ҷашну маросими назди Ҳукумати Ҷумҳурии Тоҷикистон, муассисаи давлатии “Маркази ёрии ҳуқуқӣ”-и Вазорати адлияи Ҷумҳурии Тоҷикистон ва Донишкадаи такмили ихтисоси Вазорати адлияи Ҷумҳурии Тоҷикистон бо маърӯзаҳо баромад намуда таклифу пешниҳодои худро ҷиҳати беҳтар намудани ҳуқуқи оилавӣ ва бартараф намудани камбудиҳои ҷойдошта дар ин самт пешкаш намуданд, ки байни иштирокдорон муҳокима карда шуд.
